第三回 - 安樂窩 home sweet home

---

🙀嘩，我哋好似向上昇緊咁嘅。喵

😼乜你咁大鄉里㗎，我哋撘緊𨋢呀。喵

🙀去邊呀？喵

😼咁梗係屋企啦。喵

🙀屋企係點架。喵

😼一陣咪知囉。喵

👩🏼‍🦳猫仔，我哋返到屋企啦。

😼嘩，呢張梳化我嘅。好舒服。喵

🙀嘩，匿埋梳化後面先至安全。喵

😼你係咪傻架，又冇人捉你。我去果邊聞清楚啲味先。好開心呀。喵

🙀唔好攪我，匿埋先。喵

😼原來已經天黑喇，但係呢度望出去，見到啲長方形好高，又有一點一點光，好靚呀，好似天上面嘅星星咁呀。喵

🙀黑猛猛，你睇到乜嘢呀？喵

😼你匿係梳化後面就梗係黑猛猛啦，傻瓜。你幾時先肯走番出嚟呀？喵

🙀匿埋呢度冇人見到我。喵

😼你出嚟睇下幾得意，有點光著咗，跟住又有點光熄咗，好似閃下閃下咁。之前都未見過嘅。喵

👩🏼‍🦳猫仔，爸爸返嚟啦。

😼我都匿埋睇定啲先。借過啲俾少少位吖唔該。喵

👩🏼‍🦳冇事呀猫仔，係爸爸呀。

🙀唔好呀，未見過好驚呀！喵

😼又好似冇乜事喎，不過都係等陣先。喵

👩🏼‍🦳好啦，等你哋習慣下先，一陣就食飯，你哋出嚟就有得食嘢啦。

😼阿媽話有嘢食啊。喵

🙀咁你出去先啦。喂，好似見到啲嘢咩嚟㗎？喵

😼等我撥。喵

🙀我捉。喵

👩🏼‍🦳猫仔你哋玩緊咩啊？係個兩蚊銀喎。嘩﹗係女皇頭嚟㗎喎，我都唔知幾時跌咗入梳化底。

😼係我捉到㗎。喵

👩🏼‍🦳好叻仔喎，幫媽媽搵番出嚟，等我留起佢做紀念先。

😼阿O你睇，仲記唔記得呢個嘢呀？喵

🙀記得！第一日返屋企果陣捉到架嘛。阿媽仲奬咗我哋食雞雞㖭吖嘛。喵

😼咁就十年，唔知點解而家屋企好似唔同咗樣咁，窗出面啲長方形唔見晒。喵

🙀係啦，我好掛住係屋簷上面咕咕叫果啲雀仔呀。喵

😼雖然而家屋企都一樣好食好住，但係硬係同以前有啲唔同咗。喵

🙀咁我哋仲可唔可以返番以前個屋企呀？喵

😼我都唔敢講。唔知道呀。喵

🙀點都好啦，我哋都係跟住阿媽就得啦。喵

😼係囉，新地方再重新開始啦。喵

🙀你未又係食完就瞓、瞓完就玩、玩完就痾、痾完又食過。喵

所有圖片由作者提供

---

Previous articles