第二回 ： 香港公園遇上鳥

---

🙀= 阿P  😼= 阿O  👩🏼‍🦳= 阿媽 

👩🏼‍🦳 猫仔，等一陣哥哥放學，我哋約好喺金鐘等，下個站就落車啦。


😼🙀 嘩 ，好緊張呀 ！喵。

👩🏼‍🦳 我哋行去前面果度等哥哥啦，今日天氣好好，真係好舒服。


😼 嘩， 好正呀呢度，個公園好大呀！ 喵。


🙀 有松鼠呀 ，喵。


😼 仲有好多雀仔呀 ，喵 。


🙀 嘩 ！你睇欄杆果度有隻好大隻嘅雀仔呀， 喵。


😼 點解佢叼住條草嘅？ 喵。

👩🏼‍🦳 阿媽唔係雀仔專家，唯有用現代科技幫手查吓呢隻係咩雀先  ～ 呢隻雀仔係珠頸斑鳩，係香港常見嘅留鳥。我哋成日喺公園，甚至屋企都可以聽到佢哋「咕咕.. 咕」咁叫。有一次阿媽就見過有隻斑鳩叼住一條膠條喺屋簷度。佢哋個様同白鴿好似。不過白鴿好多時都會一大羣聚埋一齊，而斑鳩通常不會群居，只係單獨或成對出現。


😼🙀 哦， 原來呢隻雀仔叫斑鳩， 喵。

👩🏼‍🦳 仲有呀，知唔知有一個成語叫「鵲巢鳩佔」，用嚟形容一啲人嘅行為，以霸道手段搶奪別人嘅嘢，有「坐享其成」嘅意思。 阿媽細個時睇過嘅「成語動畫廊」就講過呢個成語係點解-

但係而家上網去查呢個成語時，竟然見到玻璃心嘅演繹，話其實鳩並無意霸佔人哋嘅嘢，而係因為鳩唔識築巢，所以將蛋寄居於其他雀鳥嘅巢度。亦有解釋詩經中下一句意思係古時女子出嫁居於夫家…等等。但係最令阿媽大開眼界嘅係，竟然話鵲係極端聰明，滑頭，殘暴的鴉雀類…， 睇到呢度阿媽驚歎，奇怪點解一向都話喜鵲係幸運嘅象徵，但係解釋「鵲巢鳩佔」時又話鵲其實係殘暴嘅雀仔。再重申阿媽唔係雀鳥專家，成語只係用嚟比喻。是與非，真係好需要我哋保持清醒咁去分析。


再講，明明呢個地方原本就係由我哋幾代人不斷努力去建設，我哋本應就有選擇嘅權利。前幾個月喺呢度發生嘅事，就正正係啲年青人為咗爭取番我哋應有嘅權利。所以是非黑白，一定要憑良知去判斷。無論如何，作為阿媽，見到哥哥一升上中學就因為事件而停課，心中忐忑，只希望哥哥順利喺呢度完成中學階段，日後會點冇人知。惟有憑歌寄意@明天。


好啦 ，哥哥等緊我哋一齊返屋企啦。

待續…

---

後記

～ 對於明天，冇人能夠計算得到之後會點，但係今日所做嘅就會成就明天，所以我哋只能夠踏實去做好今日要做嘅嘢。

@明天

作詞：鄭國江   

明天的 不要預言 由我親身發現
願擔心過 驚喜過 現實的鍛鍊

明天點 且看目前 憑信心 兼信念
若將一切 交給我 願一往直前

昨日已經成了今天 是旅程的小片段
若決心將心貢獻哪管將會怎麼變 快樂地看明天

誰甘心 只顧目前 懷有許多志願
(要衝前 再加鞭 抓住每一天)

目標應要 (應將終點 ) 推得遠 大家向著前

目標應要 推得遠 盡心向著前

所有圖片由作者提供

---

Previous articles