第九回：未來叛變之自由意志

---

🙀= 阿P  😼= 阿O  👩🏼‍🦳= 阿媽 

🙀 咁究竟個故事結局係點呢？喵

😼 未完架，你唔記得咗阿媽話呢套書仲有第二、三、四本㗎咩。喵

🙀 希望佢哋去到外面嘅世界就好啦。喵

😼 我覺得個故事好似發生係一個平衡時空咁。喵

🙀 咁呢個只係作者虛構出嚟嘅故事嚟啫。喵

😼 雖然係虛構，但如有類同實屬巧合。喵

🙀 如果真實世界係咁就慘囉，啲人全部都係被「話事人」操控，完全冇咗自己。喵

😼 咁有時真實世界比故事更加估你唔到。喺套戲入面嗰個世界，啲人被奪去嘅對世界嘅記憶同歷史，故事中嘅角色人性都仲係純真而且有對事實嘅追求。而主角設定為11歲準備步入成人階段，就係咁由佢被選為記憶承傳人而展開嘅故事。喵

🙀 我感覺最恐怖嘅係，佢哋每個家庭嘅兒女都要被編排，而唔係順其自然咁誕生，而主角嘅爸爸就係社區做保育照顧初出生嘅嬰兒嘅工作。真係匪夷所思。喵

😼 乜你唔知呢個世界上都有啲國家係管制生育㗎咩。最大問題係，當人民希望生多啲嘅時候就收緊出生子女數目，到人民唔想生嘅時候又鼓吹要生多啲。哈，究竟果班人係咪唔明白人民嘅生活同需要？ 喵

🙀 吓你咁醒都要問啲咁嘅問題，唔係啩。喵

😼 唉，有時無奈到咗極點都會問啲明知故問嘅問題。喵 

🙀 不如講番套戲先啦。入面仲有一樣令我好震驚嘅，「話事人」可以控制人民嘅一切，除咗思想感情甚至條命。佢哋除咗控制出生，可以安排一枝針去release 又或者放去elsewhere。至於會發生咩事呢，由觀眾自己諗。只可以由主角Jonas同家人對話間提及過，之前嘅「失敗者」就係突然間唔見咗被消失咗之後就冇人再見過佢喇咁。喵

😼 呢個情節就係當時嘅自由社會對呢套戲嘅爭議，佢哋會覺得好唔合情理。但其實只係未經歷過極權統治嘅人係冇辦法想像在其生活嘅人嘅恐懼。喵

🙀 雖然唔知導演係有心定無意咁將坦克人嘅片段加入去老人傳承歷史記憶俾主角時出現。係唔係想暗示啲咩呢。喵

😼 嘩你唔好亂噏好喎。你知啦戲如人生、人生如戲，真係真亦假時假亦真。裏面嘅人話唔相信有件咁嘅事，外面嘅人努力將真相講出嚟。但係當事人拒絕相信，甚至反轉頭話講真話嘅人講大話。更加離譜係搞到連律法都完全冇法律正常嘅功用，咁叫做有法理嗎？ 喵

🙀 算啦都係一場戲嚟啫。喵

😼 咁唯有希望現實世界有更多Jonas呢種夠膽改變命運嘅人出現啦。喵

圖片由作者提供

---

Previous articles