蒲公英的約定 - Dandelions

---

行過、路過，大家唔好睇錯，佢唔係菊花啊，佢哋普遍身高約15.3cm，但都有啲高達19.3cm。呢兩個數字香港人可能會有啲印象。佢係要低頭或蹲低先可以同佢打招呼的蒲公英！

(圖1. 路邊的蒲公英)

雖然蒲公英體型細細是路邊雜草，但益處特別多，它含維生素A、B、C 和 D，以及鐵、鉀和鋅等礦物質。蒲公英葉用於為沙律、三明治和茶增添風味，蒲公英比其他植物含更多營養。

在YouTube上見到有移居英國的朋友家的前後花園拔起整株蒲公英煲湯飲，仲話原來英國有咁多蒲公英，真係好開心呀！

(圖2. 蒲公英的葉來做沙律菜)
(圖3. 蒲公英做的湯)

蒲公英真係受到中西方人士的喜愛。佢嗰鮮黃色圓圓的花朵生長喺翠綠草葉旁，特別搶眼。花朵的結構似太陽光線，由多重幼小的花瓣組成。就算喺仲有寒氣撲面的日子，早上出門見到佢都會感覺到溫暖，為新一天帶來正能量。

蒲公英開花過後會結子，同其他植物的果實大不相同，佢的果實係由360度無死角的透明軟毛包裹著微細的黑種子，借助風力飄散，每粒種子隨風飛到不同地方，落地生根，生生不息。

蒲公英讓一切隨風的地方，不禁想起近幾年的香港人也四散到世界不同地方，無論係讀書、工作定係退休，去適應同體驗新生活。希望無論你漂到哪裏，都要像蒲公英一樣，適應不同環境，開出美麗的花朵，活出精彩。同時筆者也希望可以同各位朋友來個「蒲公英的約定」在不同的平台相見，後會有期。

(圖4. 蒲公英花藝作品，黃色球體喻意地球，蒲公英就像港人一樣飄到各地)

(圖5. 蒲公英花和三葉草)
(圖6. 蒲公英籽)

圖片由作者提供

PREVIOUS ARTICLES

---