再次出走

2021年12月，我們一家三口，太太和兒子，從香港到達了英國倫敦，開始了BNO Visa移民英國的生活。 

我同太太在香港都是屬於專業人士。太太是註冊護士，在醫管局屬下醫院工作。而我是測量師，幫地產商打工，做地產發展項目管理。 

我哋叫做屬於中產，而年紀上我哋其實都已經係進入收成期，要放棄嘅嘢其實都不少。但諗起2047，為了下一代，選擇離開原來的舒適區又並無覺得有什麼好大嘅遺憾。 

每個離開香港的家庭心路歷程都有所不同。我和太太都係好細個同父母由大陸移民香港。當時我哋父母將我們從共產大陸帶出來資本社會嘅香港，令我們有幸經歷過香港嗰一段自由開放的黃金歲月。所以我時常擔心到2047時我地呢一代已經年華老去，但下一代卻正正經歷著佢地嘅最黃金歲月，到時香港一夜之間由一個資本主義社會變成共產社會，年青人如何可以適應？對呢個問題我從來都好悲觀！所以我哋今天只係重複我地父母為我們所做的事：為仔女搵一張自由嘅門票，使佢哋將來有一個免於恐懼的選擇自由。

因為在香港略有儲蓄，我們過來之前為英國嘅生活已經做咗一些基本的規劃：賣出香港嘅物業，準備了英國生活同置業嘅錢。又為最差嘅情況預留了一點預算。畢竟這是我地一生人第一次踏入英國。 

我大約係2000年左右取得香港測量師的資格，如果沒有記錯當時好像有一些互認機制，所以亦同時申請咗英國皇家特許測量師的資格。作為曾經係英治時期生活過嘅香港人，會覺得拿取一啲英國嘅資格總是有點好處。正如1997年前去申請BNO一樣，不知將來有什麼用處，但總是覺得有點安心。

本來英國資格對我係香港嘅工作沒有什麼很大的幫助，但過去20多年我仍然每年繼續交會費。想不到今天終於有機會發揮到它的價值。這個資格對於我在英國尋找相關的工作又多了一點安心。 呢件事對我有了一個新的啟發，當年英國一個小小的承諾，今天變成了我地救命的護身符；中共的承諾，就算插血為盟，到頭來還是變成廢紙一般的歷史文件，到頭來你還是個韭菜。  

來到英國倫敦北部的一個社區，安頓下來後也經歷咗一些有趣的搵工同工作經歷。人生其實有好多奇妙的安排，慢慢再同大家分享。

作者 H

圖片由作者提供