超過9,000名韓國醫生，集體辭職潮

韓國政府：不合作運動 被定性為非法，如果醫生不復工，將被拘留調查， 簽發逮捕令！

截至2月21號已經有9,275名實習及住院醫生辭職，佔全國100間醫院醫生總數的74.4%。醫療服務已受到嚴重了影響，5間主要醫院已將手術量減少達50%。好多治療、手術需要推遲，引起病人不滿。

事源2月6號，韓國保健福祉部及教育部宣布，由2025學年開始，增加醫學院新生，規模由宜家3058人增至5058人，增幅約65%。

依個措施，引起韓國醫生業界極度不滿，不滿政策無正視真實問題，漠視真正訴求。

醫生業界訴求有：

・薪酬不足
・超時工作
・濫用訴訟
・關鍵科目嘅醫生不足，如兒科和心臟內科等
・大幅增加實習醫生會加重一般醫生負擔，拖低醫療質素

其實韓國醫生唔係第一次大罷工，喺2000年、2012年、2014年同2020年都發生過。上一次罷工原因，都喺反對醫學院擴充招生，但因為當時正值 Covid-19，最終政府屈服並撤回計畫。

就今次大罷工事件，韓國醫療協會前會長盧煥圭（Roh Hwan-kyu）表示：「政府無可能贏到依場戰鬥，因為佢哋係愚蠢，只會演變成一場災難，最終為會喺人民付出代價。」

而韓國政府表示，可以用23年中新修訂嘅《醫療法》、《緊急醫療法》、《公平交易法》、《刑法》妨礙業務罪，以吊銷罷工醫生嘅執照，甚至可被判處最高3年徒刑。

反觀香港，醫生與病人嘅比例，甚至比韓國及其他亞洲地區更差，本港每千人口中有2.1名醫生、韓國(2.6)、新加坡(2.7)、日本(2.7)。

對於人口日愈老化，出生率低及嚴重醫療負荷，各國政府可以點樣處理呢？

係咪不停立法加辣，一味靠嚇，打份工想辭職都要拉，咁樣真係可以解決問題？

圖片來自網上

---