內地女數盡港人9大怪行！

一名小紅書博主「油尖旺鍾家欣」，自稱是一名「移港」專家。來港定居多年，總結出港人嘅「9大怪」！

自從有咗高端人才通行證計劃後，好多「天龍人」經依個計劃來港工作、定居。當中顯盡中港矛盾問題！

依名內地博主「油尖旺鍾家欣」，成日拍一啲關於香港「優才通」嘅影片，教內地網友攞香港身份證嘅竅門、技巧。自稱自己係過來人，比誰都更清楚！

根據佢住港多年，歸納出港人嘅9大怪行：

1. 時間觀念強

博主認為港人對時間非常重視，認為準時係對人嘅一種尊重同禮貌，「係約會、工作、等活動，準時到達係好重要。」

✔身為港人嘅小編，都同意嘅，對於重要事，一定會準時，甚至早到。但約朋友就比較隨意。

2. 高效率

博主覺得香港人做事效率高，用最短嘅時間去完成任務，「係工作同生活中，高效率、迅速反應係被重視嘅品質。」

✔依個Point極之同意！做事要快靚正，唔好嘥時間！

3. 省時省力

由於香港人生活節奏急，所以會想盡一切辦法慳時間，「他們習慣用各種方便設施，如自助服務、網上購物和買外賣等，以節省時間同精力。」

✔同意生活節奏急。做咩都要快！

4. 健康意識

博主觀察到港人十分著重健康，除咗飲食均衡外，而且會經常做運動，「健身房、晨跑、瑜珈等健身活動喺香港非常流行。」

✔同意

5. 環保意識

博主指出居民很重視環境保護、同永續發展，「佢哋習慣進行垃圾分類、節省能源同減少碳排放等，例如用環保袋購物。」

✘不同意，就垃圾收費事件，就知道唔係全部港人都鍾意環保。自帶環保袋購物，可能係因為唔想比錢買膠袋。

6. 禮貌和尊重

除咗有禮貌，博主指出香港人懂得尊重他人，「喺公共場所，港人習慣排隊、保持安靜同尊重他人嘅空間。」

✘同意習慣排隊，但不太同意保持安靜，有時港人說話時都會好大聲。

7. 出門帶現金

宜家內地已經盛行電子支付，但博主留意到香港喺依方面發展仍未夠成熟，「雖然目前地鐵、餐廳、超市可以刷卡掃碼或八達通，但好似街市、一啲餐廳仲係需要同現金。」

✔同意，但用現金唔係壞事，無需要被電子貨幣完全取代。

8. 帶長袖外套

喺香港夏天，博主表示經常能體驗到溫差巨大，「室外好熱，室內好凍，冷氣開太大，所以出門再熱都要帶外套。」

✔同意，但我諗多數係女生先會帶外套。

9. 自備水壺

博主發現，喺香港有啲公共地方有飲水機提供，所以出街可以自備水樽，「依個係慳錢嘅一個小辦法，香港嘅礦泉水都唔便宜，可以慳就慳啦。」

✘不同意，喺香港咁容易買到飲品，點會自己帶水樽斟水。

---

其他網民又點睇？

「我香港土生土長幾十年，除咗出門帶現金依項之外，其他都有啲誇張失實，真嘅，香港唔係你們想像咁。」

「太荒謬啦，香港人環保意識弱爆、跟朋友去玩都很少準時，健康意識見人見智，但係我覺得30-40歲以上先有。」

「香港人環保？用咁多即棄用品都叫環保。」

「我反而覺得香港便利店太多，好多男生都唔會帶水樽，口渴就買嘢飲。女生就比較多會帶小水樽。」

都有部分網友同意樓主嘅論點。

「呢9大怪，全部都怪好呀」

「禮貌同尊重係真嘅，香港人喺公共場合，唔會自己想做乜就做乜，會先衡量適唔適合，同會不會影響到其他人。」

「好習慣好教養。」

最後，其實小編有啲懷疑，依「9大怪」，係咪曲線稱讚香港人。

---