阿茂Uncle E
阿茂Uncle E由二零二二年十月推出至今已踏入第二個年頭，到底喺英國落地生根未？對市集點睇？
由IT人轉戰港式餅店嘅Andy話，市集對佢嘅團隊一直扮演著重要角色：「剛起步嘅時候，市集銷售佔總銷售嘅九成，並以香港人為主。經過兩年多嘅耕𦶮，網購佔比增加到三成，但市集仍佔我哋超過五成銷售」。Uncle E 嘅團隊差唔多每週都參加唔同嘅市集，除咗努力推銷產品之外，仲睇重喺市集同人交流嘅機會。
「網購同市集嘅互動好好⋯⋯有次有個客人知道我們在倫敦擺市集故專程到訪多謝我哋。原來佢有一個在加拿大相識多年但好耐無見嘅朋友，在中秋期間透過我哋網站訂咗老婆餅寄去佢屋企，收到老婆餅同賀卡佢心都甜晒。一份小小嘅心意，能夠維繫一份友誼，真喺感人。」
Uncle E 團隊每次去市集都會用唔少時間同人交流，例如解釋禮盒包裝Thank You喺廣東話嘅語境包含「唔該」同「多謝」，等香港人買禮物送俾本地同事、鄰居有更多有趣嘅文化交流話題。
雖然目前英國本地人佔銷售量僅兩成，但Uncle E 仍然希望透過參加不同市集增加接觸本地人嘅機會。同時Uncle E 亦透過參與更多香港人組織，贊助香港文化活動，做到落地生根，融入英國生活。
「阿茂整餅並不是一盆賺大錢嘅生意，賺到嘅喺能結識到唔同朋友，睇重嘅喺每份友誼，一同融入本地生活是最直的開心的事。」
Uncle E 5月11-12 日都會參加LivesUp 尚市集喺Canary Wharf 舉辦嘅市集。想同Uncle E交流吓，親身試吓阿茂新出嘅「柚子老婆餅」同「Thank You多謝」禮盒，就唔好錯過啦!
尚市集 - 英倫花見聚
日期: 2024年5月11及12日(星期六、日)
開放時間: 12 - 8pm
地點: Canary Garden, 77 Marsh Wall, London E14 9SH ( 步行8分鐘至Canary Wharf Station 、步行2分鐘至South Quay Station)
