加拿大白人女子大鬧 GO BACK TO HONG KONG！

如果有人同你咁講，你會點算？

近日有加拿大「小香港」之稱嘅Richmond爆發大規模抗議反對，反對興建毒品安全注射屋「戒毒所」。

依次示威期間，一名白人女性支持者現身，向一名華裔男居民叫喊：「你係加拿大嘅問題所在」、「返去香港啦你」、「你唔屬於呢度」、「你係腐敗，你哋全部（華人）都係腐敗嘅，毒品係由你哋嚟嘅」。依條片出街後，引起當地白人同華人關注，好多人都認為依位白人女性言論帶有種族歧視成分, 要求追究佢。

事源，依次動議係由卑詩聯合黨嘅市議員海德提出嘅，佢提出喺Richmond列治文總醫院範圍內興建注射屋。動議引發大量市民關注同反對，超過1.1萬人聯署反對。大家都擔心注射屋會令吸毒者聚集，社區變得唔安全、增加偷竊、襲擊事件發生，甚至影響區內生意。有其他議員盧仙泳，區澤光提出應該集中精力預防喺毒品同治療，而唔係興建注射屋，及更應該進行更多公眾諮詢，呼籲唔好急於做決定，免得加深分歧。但最後市議會當晚仍以7票贊成、2票反對通過咗相關動議。引發依次衝突事件。

---