英國The Body Shop宣布申請清盤

The BoDY SHOP目前全英國大約有200間分店，估計需要結業100間分店

The Body Shop係英國護膚老品牌，公司成立係1976年，由已故創辦人Dame Anita Roddick創立。據講，喺聖誕節同一月份呢段時間，佢哋嘅生意額不似預期，同運營資本唔足夠。所以預計由英國200間分店，結業至100間。

（圖1及2）來自於getty images

The Body Shop係一個環保、愛動物、極具道德擁護精神、女權主義嘅品牌。係70年代創業初，當時理念非常大膽前衛，業務發展得好好。舖頭裏面，用色、香味、產品以異國名命名等，都令戶客有前所未見嘅感覺。

The Body Shop由一家小店開始，僅有25種產品，到1984年係倫敦證券交易所上市。上市後，公司為咗擴張所需嘅資金，同投資者對利潤、回報嘅渴望，都慢慢令公司失去咗靈魂、初衷。

之後，係創辦人Dame Anita離世前，2006年，以6.52億英鎊轉手比L'Oreal，當時客戶大眾都非常質疑，品牌嘅價值觀可唔可以堅持住。

到2017，第二次轉手，以8.77億英鎊出售比巴西嘅Natura。
2023年，成為第三次轉手，只值2.07億英鎊，賣咗比現公司Aurelius。

(圖）來自ebay, 當時The Body Shop風靡一時嘅產品「沖涼波波」

Hargreaves Lansdown金融與市場主管Susannah Streeter表示：「係1980年代，The Body Shop沐浴泡泡球、美容產品係非常吸引年輕消費者，品牌擁有環保、良心、正面理念。」

或者環境運動人士兼創辦人Dame Anita Roddick就是The Body Shop的核心，佢嘅離世，意味著此品牌理念同樣消失，愈愈失去支持者。

---